01.12.2024
Biləsuvar şəhər Mərkəzi Parkında keçirilən 4-cü “Hindquşu festivalı”nda Şirvan-Salyan Regional Mədəniyyət İdarəsinin təşkilatçılığı ilə bədii hissə təqdim edilib.
Salyandan Əməkdar artist Həsənağa Sadıqov adına "Mahirlər" Ailə Xalq Ansamblı, "Cəngi" Milli Nəfəs Xalq Kollektivi, Lənkərandan "Nənələr" qrupu, Masallıdan "Halay" Folklor Kollektivi, İsmayıllıdan "Lahıc" Folklor Qrupu və solistlər tərəfindən ifa edilən mahnı və rəqs nömrələri festival iştirakçılarında xoş ovqat yaradıb.
Festivalda həmçinin Şirvan-Salyan Regional Mədəniyyət İdarəsinə tabe olan müəssisələr tərəfindən müxtəlif rəsm, bədii oyma, dekorativ-tətbiqi sənət sərgiləri və milli mətbəx nümunələri təqdim edilib.