3 Noyabr 2017-ci tarixində Salyan Rayon Heydər Əliyev Mərkəzində "Bayrağımız qürur mənbəyimizdir" adlı tədbir keçirilmişdir. Tədbiri giriş sözü ilə Mərkəzin direktoru Nübar xanım Bayramova öz çıxışı ilə açıq elan etdi. Tədbirdə 2 saylı uşaq bağçasının müəllim və uşaqlarının iştirakı ilə şəhid Rəşid Mehdiyevin xatirəsinə həsr olunmuş səhnəcik, mahnı, şeir və bayraq rəqsi qonaqların marağına səbəb oldu. Balaca fidanların bu yaşda vətənə, bayrağa sevgisi, düşmənə nifrəti hazırladıqları səhnələrdən açıq aşkar hiss olunurdu. Tədbirdə rayon ictimaiyyət nümayəndələri, Biləsuvar Regional Mədəniyyət və Turizm İdarəsinin Salyan rayon üzrə baş məsləhətçisi, İcra Hakimiyyəti nümayəndələri, Yeni Azərbaycan Partiyasının Salyan rayon təşkilatı, Mərkəzi kitabxana, Tarix-diyarşünaslıq muzeyi,Mədəniyyət mərkəzi, Qələbə qəzetinın əməkdaşı iştirak etmişlər. Tədbirin sonunda Heydər Əliyev Mərkəzində uşaqlar üçün cizgi filmi nümayiş etdirildi.