Biləsuvar Regional Mədəniyyət və Turizm İdarəsinin Cəbrayıl rayon MKS-nin Yuxarı Mərcanlı 21 saylı kitabxana filialı  8 noyabr 2017-ci il tarixində Dövlət Bayrağ günü ilə əlaqədar “Bayrağımız qürurumuzdu” başlığı altında 14 saylı tam orta məktəbdə tədbir keçirdi. Kitabxanaçı Adilə Məmmədova Azərbaycan Respublikası Dövlət bayrağının yaranma tarixi və Dövlət bayrağının istifadəsi qaydaları haqqında tədbir iştiraçılarına məlumat verdi. Məktəblilərin ifasında Əhməd Cavadın, B.Vahabzadənin və başqa müəlliflərin şeirləri ifa olundu. Sonda tədbir iştirakçıları Azərbaycanın dövlət himnini birlikdə ifa etdilər.