16 noyabr tarixində Salyan rayon Mərkəzi kitabxanada "Gənc şairlər sorağında" adlı bədii yaradıcılıq günü keçirildi. Rayonumuzda yazıb-yaradan, lakin hələdə rayondan kənar bölgələrdə tanınmayan gənc və istedadlı yazarları, şairləri Salyan ictimaiyyətinə tanıtdırmaq məqsədilə gənc şairlərin yazdıqları şerlər dinlənildi.
Salyanın regional Yazıçılar Birliyinin üzvləri, Ağsaqqallar şurasının üzvləri, mədəniyyət işçiləri və ədəbiyyat müəllimləri gənc şairlərin yazdiqları şeirləri dinləyərək onlara təklif və iradlarını bildirdilər.
Qələbə qəzetinin direktoru Rüstəm Məlikov öz çıxışında Həsən Kür, Rauf Rəvan, Pərviz Əbil, Tofiq Əhməd və s. kimi şairlərə işlərində yaradıcılıq uğurları arzuladı. Tədbirin sonunda Mərkəzi kitabxanada ədəbiyyat dərnəyinin təşkil olunması təklifi irəli sürüldü