20.11.2017-ci il tarixdə Neftçala rayon MKS-in 1 saylı şəhər kitabxana filialında 20 noyabr Qarakənd faciəsinin 26-cı ildönümü ilə bağlı şagirdlərin iştirakı ilə “Unudulmaz vətən oğulları” adlı məlumat günü keçirildi. Filial müdiri T.Həsənova Qarakənd faciəsinin qurbanları haqqında şagirdlərə geniş məlumat verdi. Sonra şagirdlər jurnalist, Azərbaycanın Milli Qəhrəmanı Alı Mustafayevin “Dəli bir ağlamaq keçir könlümdən” kitabından şeirlər söylədilər. Qarakənd faciəsində həlak olanlar haqqında sərgi də təşkil edilmişdi. Şagirdlər sərgi ilə də tanış oldular. Bu tədbiri keçirməkdə məqsəd məktəblilərə vətənpərvərlik ruhunu aşılamaq və tarixin heç zaman undulmadığını anlatmaq idi. Çünki tarix unudanları sevmir.