Qulu Əsgərov adına Salyan rayon Uşaq İncəsənət məktəbində görkəmli bəstəkar Tofiq Quliyevin anadan olmasının 100 illiyi münasibəti ilə tədbir keçirildi. Tədbir Heydər Əliyev Fondunun dəstəyi ilə hazırlanan Tofiq Quliyev 100 filminin nümayışı ilə başladı. Daha sonra tədbir iştirakçıları çıxış edərək əvəzsiz sənətkarın bəstəkarlıq fəaliyyəti haqqında ətraflı danışdılar. Ardınca məktəbin müəllim və şagirdləri konsert proqramı ilə çıxış etdilər. Konsertdə bəstəkarın mahnı və kino filimlərə yazdığı 12 musiqi əsəri səsləndirildi.