5 dekabr 2017-ci il tarixdə Cəbrayıl şəhər Uşaq İncəsənət məktəbi və Mahmudlu kənd Uşaq Musiqi məktəbi ilə birlikdə Azərbaycan musiqisində gözəl ifaları ilə fərqlənən dahi Bülbülün anadan olmasının 120 illik yubleyinə həsr olunmuş tədbir keçirdilər. Tədbiri Cəbrayıl şəhər Uşaq İncəsənət məktəbinin direktoru Vusal Zamanov açdı. Tədbirdə Bülbülün həyat və yaradıcılığına həsr olunmuş sənədli film nümayiş olundu. Sonra Bülbülün həyat və yaradıcılığı haqqında məktəbin müəllimləri danışdı. Tədbir konsert proqramı ilə davam etdi. Hər iki məktəbin şagirdlərinin çıxışları alqışla qarşılandı.