Salyan rayon Mədəniyyət Mərkəzinin Kürqaraqaşlı kənd Diyarşünaslıq evində əməkdar incəsənət xadimi şair, dramaturq Əliağa Kürçaylının 90 illik yubileyinə həsr olunmuş ədəbi-bədii musiqili tədbir keçirilmişdir. Tədbirdə rayonun tanınmış ziyalıları, şairlər, jurnalistlər, bədii-söz ustaları iştirak etdilər. Mərkəzin birləşmiş bədii-özfəaliyyət kollektivləri şairin sözlərinə bəstələnmiş mahnılar ifa etdilər. Jurnalist Zabil Pərviz, şair Əzizağa Məmməmli, Azərbaycan Yazıçılar birliyinin Muğan bölməsinin sədri Nəbi İbrahimov, əməkdar mədəniyyət işçisi Sarvan folklor evinin müdiri Cahangir Qaraşov və şairin qohumları şair haqqında xatirələr söylədilər.