Salyan rayon Heydər Əliyev Mərkəzində 18 yanvar 2018-ci il tarixində "Qan Yandaşımız Unudulmayacaq" adlı tədbir keçirildi. Tədbiri giriş sözü ilə Mərkəzin direktoru Nübar Bayramova açaraq 20 Yanvar şəhidlərinin xatirəsini qəlbimizdə əbədi yaşayacağını və qanlarının yerdə qalmayacağını vurğuladı. Tədbirdə 2 saylı məktəbin tarix müəllimi Leyla Mənsimova 20 Yanvar hadisələrini tarixi faktlarla tədbir iştirakçılarına xatırlatdı. Həmyerlimiz 20 yanvar şəhidi Elçin İmanovun xatirəsi anıldı. Rayon ümumtəhsil məktəblərindən 2 saylı, 4 saylı, 8 saylı şəhər məktəbləri, İnternat məktəbi və Arbatan kənd orta məktəblərinin şagirdləri şer kompazisiyaları və səhnəcikləri ilə çıxış etdilər. Mərkəzin əmakdaşı Yaqubova Günel "Qanlı Yanvar" mövzusunda çıxış edərək bu qanlı hadisənin hər zaman yaddaşımızda qalacağını vurğuladı. Sonda isə 20 Yanvar 1990-ci il hadisələrindən bəhs edən qisa metrajlı film nümayiş olundu.