Azərbaycan Respublikasının Mədəniyyət Nazirliyi tərəfindən Şuşa rayonunun və digər bölgələrin uşaq musiqi və incəsənət məktəblərinin şagirdlərinin iştirakı ilə muğam festivalı keçirilir. 11 may 2022-ci il tarixdə Orxan Əkbərov adına Biləsuvar şəhər Uşaq incəsənət məktəbində Biləsuvar Regional Mədəniyyət İdarəsi üzrə uşaq musiqi və uşaq incəsənət məktəblərinin şagirdlərinin iştirakı ilə muğam festivalının I mərhələsi üzrə seçim turu keçirilmişdir. Münsiflər heyətinin qərarı ilə qaliblər II mərhələyə vəsiqə qazanmışlar. Biləsuvar Regional Mədəniyyət İdarəsinin rəisi Əlisultan Sadıxov II mərhələyə keçən şagirdləri təbrik etdi və uğurlar arzuladı.