04.04.2018-ci il tarixdə Neftçala rayon Mərkəzi Kitabxananın Oxuculara Xidmət şöbəsinin kitabxanaçıları Neftçala şəhər 1 saylı orta məktəbin VI sinfində 2 aprel döyüşlərinə həsr edilmiş “Tarixi qələbə” adlı məlumat günü keçirmişlər. Öncə aprel döyüşlərində həlak olmuş qəhrəmanların əziz xatirəsi bir dəqiqəlik sükutla yad edildi. Mərkəzi Kitabxananın işçisi F.Ələkbərli ətraflı məlumat verərək qeyd etdi ki, tarixə “Dördgünlük müharibə” adı ilə düşən aprel döyüşləri gənclərin hərbi vətənpərvərlik ruhunu daha da yüksəltdi. Aprel döyüşlərində qazanılan qələbə xalqımızın orduya olan inamını artırdı. 1 saylı məktəbin müəlliməsi N.Əsədova Milli Qəhrəman Samid İmanov və gizir Elimdar Səfərov haqqında məktəblilərə məlumat verdi. Məktəbin VI sinif şagirdlərindən H.Sərdarzadə, H.Hüseyn, Z.Nağıyeva vətənə, şəhidlərə həsr olunan şeirlər söylədilər. Sonda aprel döyüşlərinin ildönümü ilə əlaqədar təşkil edilən sərgiyə baxış keçirildi.