Salyan Dövlət Kukla Teatrında "Hərənin öz ulduzu" adlı tamaşa nümayiş olunub. Nümayişdə Şirvan-Salyan Regional Mədəniyyət İdarəsinin rəisi Şahin Şahbazov və mədəniyyət işçiləri iştirak edib.

İsi Məlikzadənin eyni adlı əsəri əsasında hazırlanan “Hərənin öz ulduzu” tamaşasında mədəniyyət evinə göndərilən yeni direktorun başına gələn əhvalatlar satira dili ilə çatdırılır. Tamaşanın quruluşçu rejissoru Azərbaycan Respublikasının Əməkdar mədəniyyət işçisi, Dağıstan Respublikasının Əməkdar artisti Laləzər Hüseynova, rəssamı Fəxri mədəniyyət işçisi Ceyhun Rüstəmbəyli, musiqi tərtibatçısı isə Elvin İsayevdir. Səhnə əsərində rolları Nahid Rüstəmbəyli, Röyal Qurbanov, Mirxədicə Mirzəyeva, Mədinə Ramazanova, Maytab Gözəlova və başqaları canlandırıb.

Tamaşadan sonra İdarə rəisi Şahin Şahbazov yaradıcı heyətlə görüşüb, onlara uğurlar diləyib.