Şirvan-Salyan Regional Mədəniyyət İdarəsinin əhatə etdiyi şəhər və rayonlarda "Şirvan kino günləri"

Azərbaycan Kinematoqrafçılar İttifaqı və Şirvan-Salyan Regional Mədəniyyət İdarəsinin birgə təşkilatçılığı ilə Şirvan şəhəri, Salyan, Biləsuvar, Neftçala və Hacıqabul rayonlarında kino günlərinə start veriləcək.

Kino günlərində yeni və klassik Azərbaycan filmlərinin nümayişləri təşkil olunacaq. Cari ilin iyul ayında baş tutacaq “Şirvan kino günləri” layihəsi çərçivəsində İlqar Nəcəfin “Suğra və oğulları”, Elvin Mirzəyevin “Qul”, Qulu Əsgərovun “Mən burdayam, İlahi!” tammetrajlı bədii filmləri, həmçinin Amil Amal, Şirin Əhmədov, Elvin Aşirov, Pərviz Həsənov, İntiqam Hacılının qısametrajlı filmləri nümayiş etdiriləcək.