Şirvan şəhər Heydər Əliyev Mərkəzi, Mədəniyyət Mərkəzi, Dövlət Rəsm Qalereyası, Uşaq Musiqi Məktəbi, Mərkəzi Kitabxanası, həmçinin Salyan rayon Heydər Əliyev Mərkəzində 26 İyun - Azərbaycan Respublikasının Silahlı Qüvvələri Gününə həsr olunan konsertlər, tədbirlər, sərgilər və dəyirmi masalar təşkil edilib. Tədbirlərdə Azərbaycan Respublikasının Silahlı Qüvvələrinin yaranma tarixi, son illərdə ordu quruculuğu sahəsində əldə olunmuş uğurlar və Müzəffər Ali Baş Komandanın rəhbərliyi ilə 44 gün davam edən Vətən müharibəsində torpaqlarımızın işğaldan azad olunması haqqında söhbət açılıb. Çıxışlarda ümummili lider Heydər Əliyevin  ordu quruculuğunda göstədiyi misilsiz xidmətləri, milli hərbi kadr yetişdirilməsi istiqamətindəki atdığı mühüm addımları, bu sahəyə çox həssas və diqqətlə yanaşması da qeyd edilib.

Biləsuvar, Neftçala və Hacıqabul rayon mədəniyyət müəssisələrində də Silahlı Qüvvələr Gününə həsr olunan silsilə tədbirlər keçirilib.