Salyan rayon Heydər Əliyev Mərkəzində 1 Avqust - Azərbaycan Əlifbası və Azərbaycan Dili Günü münasibətilə "Ana dili milli sərvətimizdir"adlı tədbir keçirilib. Tədbirdə ASAN Könüllüləri və mədəniyyət nümayəndələri iştirak edib. Çıxış edənlər Azərbaycan əlifbası və Azərbaycan dilinin tarixi, bu günə kimi keçdiyi şərəfli inkişaf yolu, dilimizin zənginliyi və dövlətimiz tərəfindən göstərilən qayğı haqqında ətraflı məlumat veriblər. 

Neftçala rayon Mərkəzi Kitabxanasında isə “Milli varlığın ifadəsi” adlı dəyirmi masa təşkil edilib. Çıxışlarda ümummilli lider Heydər Əliyevin fəaliyyətində dil siyasətinin çox mühüm yer tutduğu, Azərbaycan dilinin dövlət dili kimi inkişafında Ulu öndərin misilsiz xidmətlərinin olması vurğulanıb.