Mədəniyyət müəssisələrində 18 Sentyabr Milli Musiqi Günü qeyd olunub 

Şirvan-Salyan Regional Mədəniyyət İdarəsinin tabeliyində olan Şirvan şəhər Uşaq Musiqi Məktəbi, Şirvan şəhər Heydər Əliyev Mərkəzi, Sirvan şəhər Mərkəzi Kitabxana, Salyan şəhər Qulu Əsgərov adına Uşaq İncəsənət Məktəbi, Salyan Tarix-Diyarşünaslıq Muzeyi, Salyan rayon Mədəniyyət Mərkəzi, Biləsuvar şəhər Orxan Əkbərov adına Uşaq İncəsənət Məktəbi, Neftçala Dövlət Rəsm Qalereyası, Neftçala Mədəniyyət Mərkəzi və Hacıqabul şəhər Uşaq Musiqi Məktəbində Milli Musiqi Günü münasibətilə müxtəlif konsertlər, tədbirlər və sərgilər keçirilib. 

Tədbirlərdə Azərbaycan milli musiqisinin inkişaf tarixinə geniş yer ayrılıb, Üzeyir Hacıbəylinin həyatı və yaradıcılığı haqqında məlumatlar verilib, onun operettalarından səhnəciklər oynanılıb, musiqi əsərləri səsləndirilib.