Neftçala rayon Mərkəzi Kitabxanasında böyük Azərbaycan şairi, yazıçı və mütəfəkkir Məhəmməd Füzulinin anadan olmasının 530 illiyinə həsr olunmuş “Söz mülkünün sultanı” adlı konfrans keçirilib. 

Tədbirdə çıxış edənlər, Azərbaycan ədəbiyyatında divan janrının ən möhtəşəm nümayəndələrindən biri olan Füzulinin həyat və yaradıcılığı haqqında danışaraq, onun əsərlərinin həm Şərq, həm də dünya ədəbiyyatı üçün mühüm əhəmiyyət kəsb etdiyini vurğulayıblar. Konfrans zamanı dahi şairin qəzəllərindən nümunələr səsləndirilib. Tədbir iştirakçıları sonda şagirdlərin Füzuli yaradıcılığına həsr olunmuş rəsm əsərləri və ənənəvi kitab sərgisi ilə tanış olublar.