Biləsuvar Regional Mədəniyyət İdarəsinin Neftçala rayon Mərkəzi Kitabxanasında Xalq şairi Məmməd Arazın 85 illik yubileyinə həsr olunmuş tədbir keçirilmişdir.Tədbirdə xalq şairinin yadigarı İradə xanım Tuncay, Aqil Abbas ,Mehriban xanım Sərdarova, Qardaşxan Əzizxanlı, Azər Turan və digər ziyalılar, həmçinin Neftçala ziyalıları – şair və yazarlar, “Xəzər nəğmələri” Ədəbi Birliyinin rəhbəri, “Məmməd Araz” mükafatı laureatı Soltan Abbas, əməkdar müəllim, rayon “Təhsil muzeyi”nin yaradıcısı Tədbir Mahmudov, şair Zabil Pərviz, şair, yazıçı, 20 Yanvar əlilləri, prezident təqaüdçüləri İmamverdi Zeynalov, Etibar Əbilov, şair, prezident təqaüdçüsü Elnur Uğur Abıyev görkəmli şairin yaradıcılığından, onun poeziyasından söhbət açaraq iştirakçılara şairlə bağlı maraqlı xatirələrindən danışmışlar. Xalq şairi Məmməd Arazın 85 illik yubileyi münasibətilə təşkil edilmiş “III Məmməd Araz poeziya günü” iştirakçılar tərəfindən çox böyük maraqla qarşılanmışdır. Sonda fəal iştirakçılar Azərbaycan Respublikasının Prezidenti yanında Bilik Fondunun icraçı direktoru Oqtay Səmədov tərəfindən “Təşəkkürnamə”, MKS-nin rəhbərliyi tərəfindən “Diplom” və “Təşəkkürnamə” ilə təltif edilmişlər.