Neftçala rayon Dövlət Rəsm Qalereyası Heydər Əliyev Mərkəzində ümummilli lider Heydər Əliyevin anım günü ilə əlaqədar sərgi təşkil etdi. Sərgi əsasən ümummilli lider Heydər Əliyevin portreti, kolxozçularla görüşü və Zərifə xanım Əliyevayla birlikdə olan əsərlər idi. Həmçinin sərgidə Heydər Əliyevin tək və ailəsi ilə birlikdə heykəlləri də nümayiş olundu. Sərgidə rayon İcra Hakimiyyətinin başçısı və nümayəndələri, rayon məktəblərinin şagird və müəllim kollektivi iştirak etdilər. Qalereyanın ekskursiyaçısı Sona Haxıyeva İcra Hakimiyyəti başçısına və kollektivinə əsərlər haqqında məlumat verdi.